Новости


Бабадан қалған мұра-домбыра

Бс, 10/12/2015 - 10:08 — julia

2015 жылдың желтоқсан айының 8 жұлдызында өнер секторында шертпе күй шебері, композитор Тәттімбет Қазанғапұлының 200 жылдық мерейтойына арналған «Бабадан қалған мұра-домбыра» атты іс шара өтті. Іс шараға Ы.Алтынсарин атындағы дарынды балаларға арналған мектеп интернатының оқушылары мен тәрбиешілері және Ғ.Қайырбеков атындағы мектептің оқушылары қатысты. Іс шара барысында Тәттімбеттің шығармаларынан күйлер орындалып, «Тәттімбет» фильмінен үзінді көрсетілді. Оқушылар қазақ халқының атақты күйшісі туралы толығырақ танысып, ұлттық музыка өнерін сүюге және рухани байлықпен сусындады. Келген тәрбишілер өз ризашылықтарын білдірді.

 

Фото



«Назар аудар - кітап аймағы»

Сс, 17/11/2015 - 16:16 — julia

Қазан айы кітапханада «Назар аудар - кітап аймағы» деген атаумен жасөспірімдер кітабы күні өтті. Биылғы жылы квест-ойын түрінде өтіп, нәтижесінде біздің оқырмандар кітапхана бөлімдерімен, кітапқорларымен жақын таныса алды.

Сценарий бойынша қатысушылар кітап қорынан әлдеқашан жоғалған қолтаңбаларды табу керек болды.Ал оны табу үшін 6 стансаданөтіп, әр бөлімнен кітап шифрін алу керек. Барлығы 3 топ болды. Әр топ өз бағдар желісін алды. «Анықтама» стансасына қатысушылар анықтамалық әдебиеттермен танысып, энциклопедиялар мен сөздіктердің, анықтамалардың айырмашылықтарын білді. Балалар шифр бөліктерін алу үшін энциклопедияның көмегімен сөздерге екпін дұрыс қойып, осы сөздерге синонимдер тауып, энциклопедияның көмегімен сөздің мағынасы мен фразеологиялық айналымын түсіндіру керек.

«Фольклорлық» стансасында біздің оқырмандар түрлі-түсті қағаз, қарындаш және ермексаздың көмегімен атақты ертегі кейіпкерлерін бейнеледі. Олар: Бауырсақ, Ақшақар және Алтын балық болды.

«Қызық оқиғалы стансасында» қатысушылар көп қағаздан жасалған кемелері бар, үлкен қарақшылар сандығын кезіктірді. Әр кемеде жасырылған сұрақтар мен анаграммалар, мәтіннен алынған үзінділер болды. Ойыншылар міндеті - авторы мен қандай шығармадан алынғанын табу керек. Сұрақтар мен анаграммаларды ойыншылар тез тапқанымен, қай шығармадан алынған үзінді екенін табу оларға қиынға соқты.

Тағы бір станса «Детективті». Бұнда балалар әйгілі тыңшыларды еске түсірді. Өкінішке орай, детективті кітаптарды көп оқимыз дегенмен, Шерлок Холмсты ғана атады. Сонан соң Холмстың дедуктивтік әдісімен және қалталы лупа жұмбақтар шешті. Кішкене сыбыр көмектің арқасында барлық сұрақтардың жауаптары шешімін тапты.

«Шығармашылық» стансасында барлық қатысушылар өз сүйікті кітаптарын жарнамалау агентімен жұмыс жасады. Кейбіреулері өз кітаптарын жалғастырса, кейбіреулері «Бауырсақ» ертегісіне фанфик жазды. Өздері ұнататын кітаптарын жалғастыру идеясы көбін қызықтырып,қызықты өтті.

«Виртуалды» стансасы Интернетті жаулап алды. Бұнда балалар біздің кітапханамыздың электронды мекен - жайын тауып алулары керек болды. Бұл тапсырма бүкіл әлемдік желіде тез бағыт алатын жастар үшін ең оңайы болды. Осы жерде біздің кітапханамыздағы кез-келген кітапты тауып алуға көмектесетін электронды каталогпен таныстырылды. Барлық шифрлерді тапқаннан кейін, абонемент бөлімінен керек кітаптарын кітап қорынан іздей бастады. Ол кітаптар: Андрей Жвалевский мен Евгении Пастернактың «Смерть мертвым душам» болып,ал оның елесі Н. Гогольдің «Мертвых душ» кітабы екені анықталды.

Барлық ойын қызықты өтіп, топтар тапсырмаларды көңілді орындап, сұрақтарға белсенді жауап беріп, дедуктивті қабілеттері мен өз ойларының кеңдігін көрсетті. Оқырмандарды ерекше қуантқан жайт ол: кітапхана бойынша саяхат және кітап іздеу болды.

Фото



Сөз құдіреті

Сс, 17/11/2015 - 14:08 — julia

12 қараша Ы. Алтынсарин атындағы облыстық балалар мен жасөспірімдер кітапханасында II облыстық «Сөз құдіреті» мәнерлеп оқу байқауы өтті. Бұл байқау 12-13 жастағы балалар арасында прозалық шығармалардан үзіндіні жатқа оқу. Қорытынды кезеңге аудандық және қалалық сайыстан женген талантты оқушылар қатысты. Биылғы жылғы байқау біздің еліміздің тарихында батырлық пен қоса,қайғы әкелген ҰОС Жеңісінің 70 жылдығына арналды. Мына авторлардың шығармалары қазақ және орыс тілдерінде орындалды. Олар: М. Дінішевтің «Біздің қыздар», С. Бақбергеновтың «Қарға тамған қан», М. Шолоховтың «Судьба человека», Е. Ильинаның «Четвертая высота», Б. Васильевтің «А зори здесь тихие» және т.б. Қатысушылардың орындауында сол сұрапыл соғыс жылдарының ауыртпалығы мен қазасын, отан үшін өмірін қиғандардың батырларымыздың ерліктерін еске алынды. Қатысушылар осы тақырыпқа дайындалу сәтінде, солдаттар немесе сол кездегі өздері сияқты балалардың образын сомдау барысында, өздері сол соғысты бастарынан өткізгендей жағдайда сезініп, отанымызға жеңіс қандай ауырпалықпен келгенін түсінгендерін байқатты. Байқауға қатысқандардың барлығына сыйлық берілді. Сонымен қатар төрт номинация: «Үздік бейне», «Ерекше таңдау», «Әртістік шеберлігі», «Мұра» бойынша марапаттар берілді. Номинация жеңімпаздары: Тұрабаева Айнұр (Жітіқара ауданы), Нұрпаисов Мирхат (Рудный қ.), Слатин Никита (Лисаковск қ.), Жұмабаева Мадина (Ұзынкөл ауданы). Үшінші орынды Қарасу ауданынан келген Боранбаева Айша жеңіп алса, екінші орынды Қарабалық ауданынан келген Андриевская Виктория женді. II облыстық «Сөз құдіреті» мәнерлеп оқу байқауының жеңімпазы Амангелді ауданынан келген Қаршыға Айым атанды. Байқау жеңімпаздары мен үміткерлері бағалы сыйлықтар мен грамота, дипломдармен марапатталды.

Фото



Көрінетін өнер

Дс, 16/11/2015 - 14:21 — julia

Мүсіндік шығармаларды тудыратын суретшілерді - (латын тілінен аударғанда ою, ойып алу, қашау дегенді білдіреді) мүсіншілер дейді. Бейнелеу өнерінде - сурет жазады, графикада - сурет салады, ал сәулет өнерінде -жұмсақ материалдар:саз,ермексаз,балауыздарды жапсырып мүсіндер жасайды.Ал қатты мрамор мен гранит тастардан қашап сурет жасайды.

Оқырмандар өнер бөлімінде ұйымдастырылған «Көрінетін өнер» деп аталатын мүсіндеу өнерімен таныса алады. Одан балалар көркем мектебі оқушыларының саз бен гипстан жасаған жұмыстарын көре алады. Демалыс кезінде біздің кітапхананың кішкентай оқырмандары мүсінші болып, сабыннан әртүрлі мүсіндер жасады. Оны оларға БКМ оқытушылары Нина Сергеевна Коровина және Александр Юрьевич Рерих мастер-сабақ өткізді. Бір көзбен қарағанда жеңіл көрінетін бұл іс онай болған жоқ. Алдымен мүсіннің суреті салынып, сосын сол мүсінді кесушімен кесті. Қолдарынан жасап шығарған заттары балаларға ұнап, олар қызығушылық танытты. Мастер-сабағы өте тартымды,қызықты өтті. Рахмет саған, сурет өнері.

Фото

 



Қыздар әлемі

Дс, 16/11/2015 - 14:17 — julia

Кезекті «Қыздар әлемі» әдеби отырысы «Динка - әр уақыттың болса да кітабы» атты тақырыппен өтті. Қыздарды Валентина Осееваның «Динка» атты кітабын талқылауға шақырдық. Осы кітапты оқыған қыздар шығарма қазіргі таңда да өзекті екенін айтты, өйткені шығармада достық пен сатқындық, адалдық туралыжазылған. Сонымен қатар басты кейіпкер Динкаға сүйсініп, кітаптың есеюге үйретіні де айтылды.

Фото



«Бір артист - бір әлем»

Бс, 18/06/2015 - 15:10 — admin

Кезекті «Қыздар әлемі» әдеби отырысы «Бір артист - бір әлем» атты кездесу өтті. Кездесуді сторителлинг түрінде өткізіп, театр әлеміне арнадық. Бұлай өтуге орыс драм театрының актрисасы - Анна Эдуардовна Удесиани көмектесті. Отырыстың қатысушылары Анна Эдуардовнаның әңгімесін тыңдап, әртүрлі сұрақтар қойып, сұрақтарына қызықты, тартымды жауаптар алды. Анна Эдуардовна осы мамандыққа қалай келді, осы жолда қандай қиындықтар кездесті солар жайында әңгімеледі. Көптеген қатысушы қыздарды актриса мамандығының қыр-сыры қызықтырып, өздерінің осы мамандық иесі болғылары келетінін айтып бөлісті.

Кездесу соңында қатысушылар актрисамен естелік фотосына түсіп, осы кездесу оларға ұмытылмас әсер қалдырғанын айтты.

Фото



«Орыс поэзиясының шырағы...»: А. С.Пушкин

Ср, 10/06/2015 - 15:56 — julia

«Шығармашылық алаң» әдеби шығармашылық студияның кездесу барысында ұлы ақын А. С. Пушкиннің туған күні қарсаңында «Орыс поэзиясының шырағы...» атты портрет кеші өтті. Кездесуде балалар жазушының өмірі мен шығармашылығы жайында аз айтылған деректерімен танысты. Сонымен қатар ресей актерлері мен опера орындаушыларның орындауындағы өлеңдер мен романстар тыңдады. Оқушылар назарына А. С. Пушкин туралы «Последняя дуэль» фильмінен үзінді мен шығармашылығы туралы ЕРАЛАШ көрсетілді.

Фото



Жан жылуы

Бс, 04/06/2015 - 11:08 — julia

«Жан жылуы» - осындай атаумен кітапхана ауласында Халықаралық балаларды қорғау күніне арналған қызықты сайыстар мен викториналық сұрақтарға толы мерекелік іс-шара өткізілді. Мерекелік бағадарламаның ең сәтті кезі ол жыл сайын балалар алдында Маргарита мен Викторияның орындайтын тамаша Флэшмобы болды. Балалар тамаша көңіл күймен олардың қимылдарын қуана-қуана қайталады. Іс-шара соңында балаларды тәтті тосынсый күтті.

news-15-06-04.JPG

Фото



Қостанай хроникасы

Бс, 30/04/2015 - 15:23 — julia

Облыстық балалар мен жасөспірімдерге арналған кітапханасында жыл басынан бастап, «Қостанай хроникасы» өлкетану жобасы жұмыс істеуде. Кітапханашы Мырзагүл Ахметбековна Нуриева №1 лицей-мектебінің жағрофия мұғалімі Валентина Григорьевна Пархоменкомен бірлесе Қостанай облысының экологиясы, жағрофиясы, тарихы туралы іс-шараға жоспар құрды.

news-2015-04-30-4.JPG

29 сәуір «Қостанай хроникасы» топтамасы шеңберінде кезекті кездесу өтті. 7-сынып оқушыларына «Табиғатты аялайық» деген экосағат өткізілді. Кездесуге мемлекеттік экологиялық инспекторы Сергей Талғатұлы Мұкашев шақырылды. Сергей Мұкашев Қостанай облысында болып жатқан не туындаған экологиялық мәселелер және оның шешу жолдарын түсінікті түрде тыңдармандарға жеткізе білді. Экологпен әңгімелескеннен кейін, «Қостанай облысының экологиялық мәселелері және оның шешу жолдары» деген кластерді құрастырды. Балалар тапсырманы мүдіртпей орындады.



Жанды кітап

Бс, 30/04/2015 - 15:14 — julia

2015 жылдың 28 сәуірінде үлкендерге арналған оқу залында «Жанды кітап» топтамасының шенберінде «Алау» арнасының тележүргізушісі Яна Галамен кездесу өтті. Бұл шараның басты тапсырмасы әртүрлі мамандықтағы адамдармен кездесу.

news-2015-04-30-3.JPG

Басты мақсаты-мектеп бітірушілердің болашақта мамандық таңдауына және оның қыр-сырын білуге үйретеді. Кездесу барысында балалар журналист мамандығы туралы қызықты мәлімет алды. Бұл мамандық жан-жақты, өйткені бұл мамандықтың иесі-тілші, хабаршы, көсемсөзші, шолушы, аналитик, фототілші, стрингер (тәуелсіз штаттан тыс хабаршы) және т.б. болып қызмет атқаруы керек екен. Тележүргізуші болу оңай емес. Ол үшін оқырмандар мен көрермендерді қызықтыра білуі керек, міндетті түрде әдеби орыс тілімен, мемлекеттік тіл және шет тілдерін біліп, сонымен қатар кең ой өрісті, білімді болу керек. Көп ақпараттың ішінен бастысын ғана таңдап, соған ерекше көңіл бөліп, нақты, қысқа, түсінікті түрде ойынды жеткізу қажет. Әртүрлі адамдармен тез тіл табысып, қарым-атынас жасай білуін керек. Тағы бұл мамандық жүйке жүйесіне байланысты болғандықтан шыдамшылықты, әсіресе дене шыдамдылығын қажет етеді.


Синдикатты контент

Тілдер

Жолдау 2017

Антитеррор

EXPO2017

Кім онлайн

Қазіргі уақытта желіде 1 user қолданушы және 1 guest қонақ.

Жүйеге кіру