Новости


Тәуелсіздік дәуірі

Сс, 15/05/2018 - 14:58 — julia

2018 жылғы 11 мамыр күні Қазақстан Республикасының Президенті Нұрсұлтан Назарбаевтың «Тәуелсіздік дәуірі» атты кітабының таныстырылымы өтті. Таныстырылымға №10 ОМ-тің 8 сынып оқушылары мен ЧелМУ-нің студенттері қатысты.

Тарихи публицистика жанрында жазылған, «Тәуелсіздік дәуірі»кітабы еліміздің жаңа тарихы мен оның ертеңіне деген автордың көзқарасын танытады.

Кітапты Челябі мемлекеттік университеттің Қостанай филиалының әлеуметтік-гуманитарлық және жаратылыстану пәндері кафедрасының профессоры, тарих ғылымдарының кандидаты — Нұртазенов Төлеубай Қалиұлы таныстырды.

Оқушылар мен студенттер Төлеубай Қалиұлы ұсынған қызықты фактілерді тыңдады.Жас ұрпақ меңгеруге тиісті басты тағылым: «… кез келгенқолайсыз тенденцияны өзгертуге, кез-келген негативті балжамдарды теріске шығарып, өршіл және жоғары мақсаттарға қол жеткізуге болады. Жетістік кепілі — үнемі алға ұмтылу».

Фото



Құстар біздің досымыз

Сс, 15/05/2018 - 14:38 — julia

11 мамыр күні Ы. Алтынсарин атындағы ОБЖК-ның өнер бөлімінде «Құстар біздің досымыз» атты іс-шара өтті. Іс-шараға 20 мектептің 1 сынып оқушылары шақырылды. Іс шара барысында оқушылар құстардың түрлерімен, олардың мекендейтін жерлерімен бір сөзбен айтқанда жалпы тіршілігімен танысты. Былтыр №24 мектеп-гимназияның 1 ә сынып оқушысы Сапарғалиева Жансая «Қарлығаштың құйрығы неге айыр» атты Ә.Қайдаровтың мерейтойына байланысты өткен іс-шарадан алған білімі, әсері бойынша биыл ғылыми жұмыс қорғап, жүлделі орындарға ие болды.

Өскенде Ә.Қайдаров сияқты мультипликатор болуды армандайды.

Оқушылар іс-шара барысында белсенділік танытып, жұмбақ шешіп, құстар туралы мағлұмат алды және де оларға қомқорлық жайсайтындарын білдірді.

Іс-шара соңында оригами әдісімен құс жасалынды.

Фото



Мағжанның жұлдызы

Сс, 15/05/2018 - 14:36 — julia

11 мамыр күні 20-шы ғасырдың басындағы дарынды ақындардың бірі - Мағжанның 125 жылдығына арналған «Мағжанның жұлдызы» атты әдеби дайджест №10 мектептің 8 сынып оқушыларының атсалысуымен өтті. Балалар Мағжанның шығармашылығымен және ауыр өмірімен танысты. Мағжан 1937 жылы өмірден өтсе де, оның әдеби мұрасы қазақ мәдениетінен маңызды орын алды. Мағжан өз шығармасынан басқа, орыс және шетел ақын-жазушыларының көркем шығармаларын аударумен де айналысқан.

Қазақ КСР ҒА-ның академигі Әлкей Марғұлан ол туралы: «Мағжан Жұмабаев қазақ халқы үшін ағылшындардың Шекспирі, орыстардың Пушкині сияқты» деген.

Кездесуде Мағжанның «Мен кім?», «Атақты ақын – сөзі алтын хакім Абайға», «Қазағым» және басқа көптеген өлеңдері оқылды. Іс-шара видеороликпен, презентациямен және кітап көрмесімен сүйемелденді.

Фото



9 мамыр Жеңіс күні!

Сн, 05/05/2018 - 14:49 — julia



Кәне көңілді отырайық

Сн, 05/05/2018 - 13:54 — admin

4 мамырда мектепке дейінгі және 1-6 сынып оқушыларына қызмет көрсету бөлімінде кітапханамызға жаңадан келіп түскен, Дария Джумагельдинованың «Еркеғали есімді еркетай» атты кітабын таныстыру мақсатында кездесу өтті. Бұл таныстырылымға Ы. Алтынсарин атындағы дарынды балаларға арналған мектептің 5 сынып оқушылары қатысты. Кездесу «Қане, көңілді отырайық» деген ұранмен өтті. Шығарма өте қызықты, тартымды, көңілді жазылған. Балалар шығармамен танысып, 3 топқа бөлінді, өз көзқарастарын әртүрлі әдіс түрімен талдады. «Оқу үйірмесі» әдісінде оқушылар шығармадан үзіндіні дауыс ырғағына келтіре отырып, мәнерлеп оқу жарысына түсті. Ал «Үш қалпақты» әдіс түрінде, үш түрлі қалпақты кие отырып, шығарманың теріс және оң қылықтарын, отбасындағы апа мен інінің, әке мен ананың және әженің қарым-қатынастарына өз ойларын қосты. шығармадағы бас кейіпкер дәл өздері секілді бала болғандықтан, кездесу оқушылардың арасында үлкен қызығушылық танытып, өте қызықты, көңілді, жеңіл өтті. Барлығы 33 бала қатысты.

Фото



Тума талант

Сн, 05/05/2018 - 13:49 — admin

2018 жылғы 4 мамыр күні өнер бөлімінде ҚР-ның Халық әртісі Н. Жантөриннің 90 жылдығына орай өткен «Тума талант» атты киносағатқа № 9 мектептің 8 сынып оқушылары қатысты.

Заманымыздың ұлы өнерпазы, Қазақстанның халық әртісі, кино мен театр өнерінің хас жұлдызы психологиялық рөлдердің «шаппайбері», марқұм Нұрмұқан Жантөриннің даңқы дүние жүзіне мәлім екені зор мақтанышпен айтылды. Экран мен сахнадан нешебір өміршең кейіпкерлердің өлмес нұсқасын ғажап шеберлікпен жасап, төл мәдениетіміздің, ұлттық намысымыздың туын аспанға көтерген аса көрнекті тұлға ретінде таныстырылып, режиссер Дархан Әбдікұлының «Жантөрин - қазақ сахна өнерінің сапасы» атты деректі фильмінен үзінділер көрсетілді. Кездесу соңында қатысушылар назарына Нұрмұқан Жантөрин туралы қазақ және орыс тілдерінде шығарылған кітаптар ұсынылды.

 

Фото

 



Соғыс жаңғырығы мен ерлер естелігі

Сн, 05/05/2018 - 13:44 — admin

4 мамыр күні мектепке дейінгі және 1-6 сынып оқушыларына қызмет көрсету бөлімінде Жеңіс күніне арналған «Соғыс жаңғырығы мен ерлер естелігі» атты мерекелік іс-шара өтті. Атаулы іс-шараға №1 мектеп-лицейдің 1 «Б» сыныбынан 28 адам және «Фемели Мест» отбасылық балабақшаның 20 тәрбиеленушісі қатысты. Жадынама вахтасы Ұлы Отан соғысының маңызды оқиғалары туралы ақпарат элементтерін, кітап шолуды, деректі видео-хроникалардың көрсетілуін қамтыды. Қатысушылар кітапханашының әңгімесін мұқият тыңдап, сұрақтарды көптеп қойды, іс-шара соңында «И все-таки мы победили» әнін хормен айтты.

Фото



Отан қорғау - қасиетті борыш

Сн, 05/05/2018 - 13:33 — admin

3 мамырда мектепке дейінгі және 1-6 сынып оқушыларына қызмет көрсету бөлімінде Отан қорғаушылар күніне орай «Отан қорғау - қасиетті борыш» деген атаумен ойын-сауықтық бағдарлама өтті. Іс-шараға «Әлеуметтік қызмет көрсету жөніндегі Қостанай аймақтық орталықтың» тәрбиеленуші ұл-қыздары (21 адам) мен №2 мектеп-лицейдің 3 «б» сыныбы (29 адам) қатысты. Барлық қатысушылар жүргізуші берген тапсырмаларды құлшына орындады. Бағдарлама барысында спорттық қимыл-қозғалыс, сондай-ақ зейінге, аңғарымпаздыққа арналған ойындар ойнатылып, әскери тақырыпқа бағытталған бірнеше викторина өткізілді және Отан қорғаушылар туралы әлеуметтік видеороликтер, презентациялар пайдаланылды.

Фото


Синдикатты контент

Тілдер

Жолдау 2018

Антитеррор

Антикоррупционный

Бір ел – бір кітап

Қазір сайтта

Қазіргі уақытта желіде 1 user қолданушы және 1 guest қонақ.

Жүйеге кіру