Новости


Қазіргі бозбалалар мен қыздар. Олар Қандай?

Ср, 08/02/2017 - 16:41 — julia

7 ақпанда кітапханада «Қазіргі бозбалалар мен қыздар. Олар Қандай?» деген тақырыпта дөңгелек үстел өтті. Атаулы тақырыпты талқылауға «Зерек» колледжінің 1 курс студенттері мен «Адамгершілік қасиет» клубының мүшелері атсалысты. Қатысушылар 21 ғасырдың бозбалалары мен қыздары бейнесін сомдауға тырысып бақты. Әрине, бастапқысында сондай айқын шықпады: тәрбиелі, бірақ үнемі емес, кейде көпшіл, онша салмақты емес, неге қызығушылығы бар екені түсініксіз болды. Барлығының сана-сезіміне жеңіл енетін, 19 ғасыр бозбалалары мен қыздарының бейнелерін салыстыру үшін үлгіге алдық. Міне, осылай балалардың, педагогтің және кітапханашылардың бірігіп жұмыс істеуі нәтижесінен қазіргі жас адамның портреті шықты. Ұтқыр, талапкер, ашық, сенімді. Музыкамен, спортпен әуестенеді, әлеуметтік желілерде отырғанды ұнатады және ең бастысы кітап оқиды. Сүйікті жанрлары: фантастика, өзін-өзі дамыту бойынша кітаптар мен классика. Жастарды дамыту үшін білім беру жүйесін өзгертіп, ғылыми және шығармашылық ойларды жүзеге асыру үшін көбірек мүмкіндік жасау керектігін балалар соңында айтты.

Кездесуден кейін «Бір-біріміз жайлы не білеміз?» деген тақырыппен кітап көрмесі ұсынылды. Ұлдар мен қыздар деген кімдер? Бір-бірімізді қалай түсінуге болады? Қыздар мен ұлдардың қарым-қатынсында қандай дағдылар болады? Бір-бірімізге қалай ұнау керекпіз? Осы сияқты сұрақтардың жауабын көрмеде қойылған кітаптардан алуға болады. Әрине, ұлдар мен қыздардың оқу шеңбері де қозғалды. Олар оқитын кітап түрлері өте көп екен. А.Амраеваның «Футбольное полесі» қыздардың сүйікті кітаптарының бірі болса, Д.Гриннің «Виноваты звезды» кітабы ұлдардың жүрегін баурайды. Ал ата-аналар үшін жасөспірімнің есеюі кезінде болатын түрлі жағдайларға ақыл-кеңестер беретін әдебиеттер таңдалды.

Фото



«АСТАНА EXPO- 2017 – Болашақтың қуаты» көрмесі

Бс, 26/01/2017 - 12:04 — julia

Халықаралық мамандандырылған "EXPO" көрмесі - әлемнің барлық мемлекеті өздерінің ең үздік техникалық, ғылыми жетісткітерін, сондай-ақ елдердің тарихы, дәстүрі мен мәдениетінің даму келешегін көрсету үшін өткізілетін ірі халықаралық көрме.

2017 жылғы 10 маусымда халықаралық мамандандылыған «Астана EXPO-2017» көрмесі өз есігін айқара ашады. EХРО-2017 көрмесінің «Болашақтың энергиясы» тақырыбы ең үздік әлемдік энергия сақтау технологиясы баламалы энергия көздерін пайдалануда жаңа әзірлемелер мен технологияны пайдалануға мүмкіндік береді. Көрменің басты мақсаты – жауаптылыққа шақыру, пікірталастар тудыру және адамдардың табиғат үшін келетін зиянды барынша азайтып, энергия тұтынуды жоспарлап бақылай білуге үйрету білімін қалыптастыру.

EXPO-2017 көрмесі Тәуелсіз Қазақстанның ең ауқымды жобасы, Жылдың басты тақырыбы. EXPO көрмесін өткізу Қазақстанның қазіргі тарихындағы оқиғалардың бірі болып қалады, еліміздің беделін қалыптастыруға, экономикасы мен мәдениетін дамытуға үлкен үлес қосады.

Ғылыми-көпшілік әдебиеті бөлімінде «Астана EXPO-2017 – «БОЛАШАҚТЫҢ ҚУАТЫ» атты көрме ұйымдастырылды. Көрменің негізгі мақсаты - Қазақстан Тәуелсіздігінің аса бай тарихын ашып сипаттау, сол шежіредегі халықаралық мамандандырылған «EXPO-2017» көрмесін жарқын беттерге айналдыруға үндеу; кітапхана оқырмандарын EXPO тарихымен таныстыру; Астанадағы «EXPO-2017» көрмесін өткізу туралы әңгімелеу. Көрме келесідей үш бөлімнен тұрады: «ЭКСПО тарихы», «ЭКСПО-2017 – Астана мерейі»,«Ұлы Дала Елі- Мәңгілік Ел». Көрме формасының тақырыптық тұрақтылығы үнемі қолданыста болады. Кітап көрмесін ашу Қазақстан туралы, ЕХРО туралы оқырмандардың білімін тереңдетуге, елде болып жатқан оқиғаларға қазақстандықтардың ортақтас сезімін қалыптастыруға, өз елін мақтан ететін қазақстандық патриоттық тәрбие беруге ықпал етеді.

Фото



Сіздің балаңызға арналған библио-ұзартылымға

Сс, 17/01/2017 - 16:59 — julia

Ардақты ата-әжелер! Құрметті ата-аналар!
Сіздерді «Сіздің балаңызға арналған библио-ұзартылымға» шақырамыз. Онда біздер балалармен кітап оқимыз, оқығанын талдаймыз және сұрақтарға жауап береміз. Кітапханада сіздерді күн сайын сағат 10.00 ден 18.00 дейін күтеміз.



Үміт, жетістік және сынақ уақыты

Сс, 13/12/2016 - 17:00 — julia

Міне, биыл Қазақстан Республикасы Тәуелсіздіктің 25 жылын артта қалдырғалы отыр. Бүгінгі күнде Қазақстан әлемдік қоғамдастыққа танылды. Бұл заманалық оқиға – халқымыздың ұрпақтарының орындалған арманы мен үмітінің нәтижесі.

12,13 желтоқсанда ҚИПК-дің студенттері және №16 мектептің 8 сынып оқушылары үшін «Үміт, жетістік және сынақ уақыты» атты ауызша журнал өтті. Кездесу барысында тәуелсіздіктің қалыптасу кезеңдерін көрсететін видеоролик ұсынылды. Балалар кітапханашымен бірге 25 жыл ішінде әлемдік деңгейде, ел ішінде атқарылған жетістіктер жайлы және болашақта Қазақстанда өтілетін Универсиада, ЭКСПО сияқты ірі жобаларды талқылап, өз ойларын ортаға салды. Іс-шара «Біз бәріміз бір атаның – қазақ халқының ұлымыз. Бәріміздің де туған жеріміз біреу: ол қасиетті қазақ даласы. Бұл дүниеде біздің бір ғана Отанымыз бар: ол тәуелсіз Қазақстан»,- деген Елбасы сөзімен аяқталды. Кездесу соңында оқушыларға «Тәуелсіздік жылнамасы» атты көрме ұсынылды.

Фото



Журналдар әлемі

Сс, 13/12/2016 - 15:35 — julia

2016 жылдың 13 желтоқсанында Ы.Алтынсарин атындағы облыстық балалар мен жасөспірімдер кітапханасында "Журналдар әлемі" атты библиосабақ өтті. Іс шараға Қостанай қаласының № 18 мектеп - гимназиясының 4 «А» сынып оқушылары қатысты. Балалар қазақ тіліндегі "Айгөлек", "Балдырған", "Мөлдір бұлақ", "Бала би", "Балбұлақ", "Ерке бала" т.б. журналдармен кеңірек таныстып, мағлұмат алды.
Библиосабақтың мақсаты: бүгінгі күні теледидар және компьютер мен интернеттің үлкен рольге ие болып отырған уақытта кітап, журнал оқудың насихаттау мақсатында түрлі формалалар мен әдістерді пайдалана отырып журналдарға шолу жасау. Іс-шара соңында балалар "Айгөлек" әнін караокемен орындады.



Жемқорлық дегеніміз не?

Жм, 09/12/2016 - 11:50 — julia

9 желтоқсан мектепке дейінгі және 1-6 сынып оқушыларына қызмет көрсетуге арналған бөлімінде «Жемқорлық дегеніміз не?» атты акция өтті. Акцияның мақсаты-мектеп оқушыларының «жемқорлық» сөзін қалай түсінеді, ол туралы не білетіндерін білу. Акция сауалнамасы жасырын өткізілді. Ал сауалнама жауаптары әртүрлі, күтпеген және ерекше болды. Сонымен қатар қатысушылар Kaspi bank компаниясының шығарған «Балаларға қаржы туралы» кітаптарымен танысып, қаржылық сауаттылығы саласынан білім алды.



Біздің президент

Сс, 29/11/2016 - 17:52 — julia

Кітапханада Ұлт Көшбасшысы, Қазақстан Республикасының алғашқы президенті Нұрсұлтан Әбішұлы Назарбаев туралы «Біздің президент» атты көрме тұр.

Бірінші бөлімде Президенттің өмірбаянын қазақ және орыс тілдерінде баяндайтын, сонымен қатар Назарбаевқа арналған қазақстандық ақындардың өлеңдері қойылған. Ал екінші бөлім Нұрсұлтан Әбішұлының Елбасы дәрежесіне жету жолын және еліміздің тәуелсіздік жолында қалыптасу тарихын ашады.

Көрмені рәсімдеуге біздің оқырмандар атсалысты. Әрбір оқырман Президентке арнап түрлі-түсті жапсырмаға ақ тілектерін жаза алды. Нәтижесінде, Нұрсұлтан Әбішұлына денсаулық пен сәттілік айтылған игі тілектер көрмесі пайда болды.

Фото



Ұлы оқырман

Сс, 29/11/2016 - 17:47 — julia

Биыл ғалым, этнограф, ағартушы-педагог, жазушы, фольклоршы, қоғам қайраткері Ы.Алтынсариннің туғанына 175 жыл. 28 қарашада «Ұлы оқырман» атты «оқырман портреті» формасындағы іс-шара өтті. Іс-шараға ҚҚКСК-нің 1 курс студенттері қатысты. Ы. Алтынсарин қазақ-орыс мектептерінің, мектеп кітапханаларының негізін қалап, «Қазақ хрестоматиясын» құрды. Көрермен алдына ағартушы-педагог оқырман ретінде танылды. Ы.Алтынсариннің өмірлік формуласына айналған «Адамзаттың бүкіл өмірі кітапта дәйекті түрде жинақталады» деген, А. И. Герценнің сөздері оқылды. Ы.Алтынсарин К.Д.Ушинскийдің «Балалар дүниесі» кітабын аударып, оның ойларына жүгінді. Осыдан Ы.Алтынсариннің қаламгерлік қызметі басталады. Ол А.С. Пушкиннің, Навойдың, А.И.Герценнің, Фирдоусидің және т.б. кітаптарына педагог ретінде көбірек назар салған. Қатысушылар Ы.Алтынсарин білім алудың қажет екенін ашып көрсеткен «Кел, балалар, оқылық!» өлеңін мәнерлеп оқыды. Іс-шара барысында «Ыбырай Алтынсарин – ұмытылмас тұлға» атты фильм көрсетіліп, Ы. Алтынсарин туралы, және ағартушы оқыған әлемдік орыс және шетел әдебиеті классиктері кітаптарына әдеби шолу жасады.

Фото



Ядросыз Қазақстан

Сс, 29/11/2016 - 17:40 — julia

Тәуелсіздігіміздің 25 жылдығына орай «Ядросыз Қазақстан» атты бейбітшілік сабағы өтті. Іс-шараның мақсаты экологиялық проблемалар адамзатқа қауіп-қатер ететінін түсінуге ықпал ету, ұрпақ санасында бейбітшілік ұғымының терең қалыптасуына жол ашу, оқушыларға ядролық сынақтардың қорқынышты зардабын көрсетіп, ядролық қарудың адамдарға тигізер зардабы туралы айта отырып ой - өрісін кеңейту және Қазақстан қашанда ядросыз әлемді қолдайтындығы жайлы және экология тақырыбында әдебиетті насихаттау.

Қатысушыларға ядролық қару сынағы туралы көрсетілген бейнероликтер өте күшті эмоциялық әсер етті.

Іс-шараға 11 мектептің 6 сынып оқушылары қатысты.

Фото


Синдикатты контент

Тілдер

Жолдау 2017

Антитеррор

EXPO2017

Қазір сайтта

Қазіргі уақытта желіде 1 user қолданушы және 1 guest қонақ.

Жүйеге кіру