Новости


«Тарих сандығы» театры

Жм, 02/02/2018 - 17:45 — julia

2018 ж. 2 ақпанда Ы.Алтынсарин атындағы облыстық балалар мен жасөспірімдер кітапханасында «Тарих сандығы» театр студиясының ашылуы болып өтті.

Бағдарлама жүргізуші - Нина Григорьевна Третьяк Театрдың шығу тарихына таңғажайып экскурс жасады, актер деген кім, театрда костюмерлер, гримерлер және режисерлер не үшін керек екені жайлы айтты.

Балалар студияның театр қойылымдары қазақ халқы фольклорынан алынған оқиғаларға толы болатынын және оны бәріне танымал, әрі сүйікті Алдар көсе айтатынын білді. Болашақ актерлер ата-аналарымен бірге өздерінің өзара әрекеттестіктеріне арналған ең алғашқы тренингінен өтті. Актерге қажетті шеберлік пен қабілеттілікті анықтады. Алдар көсе мен сараң бай туралы мультфилмьдегі «көсе алдамшының» ерекше қасиеттерін аңғарды. Әр бала үйлеріне актерлік шеберлік немесе Алдар көсе оқиғалары туралы кітаптарды алып тарасты. Студиялықтарды алда үлкен шығармашылық жұмыс күтіп тұр.

Театр студиясы «Рухани жаңғыру» кіші бағдарламасы аясында жұмыс істейді.



Рух әміршісі

Бс, 01/02/2018 - 17:35 — julia

«Рухани жаңғыру» мемлекеттік бағдарлама аясында А.Байтұрсыновтың 145 жылдығына орай 1 ақпан күні ҚҚК-нің 2-курс студенттері үшін «Рух әміршісі» деген тақырыппен әдеби экскурс болып өтті.

Ұлы ақын, жазушы, ғалым, түркітанушы, аудармашы, педагог, ағартушы, қоғам қайраткері — Ахмет Байтұрсынов қазақ мәдениетіне елеулі үлес қосты. Кітапханашы жазушының өмірімен және шығармашылығымен таныстыра отырып, оның ауыр тағдыры туралы хабардар етті. Жазушының есімі көпке танымал, сондықтан балалар мұқият тыңдап, сұрақтар қойып отырды.

Әсіресе балаларға Ахмет Байтұрсыновқа арналған «Сыр. Тағдыр. Тұлға» фильмі ұнады.

Іс-шара соңында оның шығармалары мен шығармашылығы туралы кітаптар қойылған, кітап көрмесіндегі әдебиеттерге шолу жасалды.

Фото



Дала қоңырауы

Бс, 01/02/2018 - 11:17 — julia

1 ақпан күні «Рухани қазына» жобасының аясында Ы.Алтынсарин атындағы ОБЖК-да №44 балабақшаның жас азаматтары үшін ұлы ағартушы педагог Ы.Алтынсариннің өмірі мен шығармашылығына арналған «Дала қоңырауы» атты тарихи круиз өтті.

Ыбырай Алтынсарин өз ғұмырын туған жері үшін ағарту ісіне арнады. Ол қоғам болашағы жастарға байланысты екендігін айқын сезініп, өзінің барлық арманын жастар жүзеге асырады дегенге әбден сенген.

Мектеп жасына дейінгі оқушыларға ұлы ағартушы педагог Ы.Алтынсариннің өмірі баяндалды. «Мақта қыз» ертегісі библиоойыншық түрінде мазмұндалды. Балалар Ы.Алтынсарин туралы әңгімені мұқият тыңдап, екі тілде қойылған жұмбақтардың жауабын тапты. Іс-шара соңында балалар алған әсерлерімен бөлісіп, жақсы оқып, көбірек кітап оқу керек деген ойларын айтты.

Фото



Менің Қазақстаным, мен сені мақтан тұтамын

Жм, 19/01/2018 - 16:57 — julia

Ақын Мұзафар Әлімбаевтың «Қандай сөздер болады» («Какие бывают слова») атты тамаша өлеңінде:

«Ана! Сүйікті сөз.
Тас! Салмақты сөз.
Жалын! Ыстық сөз.
Отан — ең жақсы сөз!» деп айтылған.

17 қаңтар күні Ы.Алтынсарин ат. ОБЖК-да "Рухани жаңғыру" бағдарламасы аясында Заречный ауылының 5 сынып оқушылары үшін «Менің Қазақстаным, мен сені мақтан тұтамын» атты көрме-кинохабар өтті.

Президенттің «Рухани жаңғыру» - болашаққа көзқарас» мақаласының бағдарламасы бойынша жұмыстың негізгі мақсаты - рухани және мәдени құнылықтарды сақтау және арттыру. Қоғам санасын жаңғырту бағытының бірі, патриоттық сезімді қалыптастыру. Отаншылдық өз жеріңе, өз ауылыңа, қалаңа, шағын отаныңа деген сүйіспеншіліктен басталады.

Бесінші сынып оқушылары «Қазақстан әліпбиде» деген тақыраппен ұйымдастырылған патриоттық викторина сұрақтарына жауап беріп, Тәуелсіз Қазақстанның қалыптасу қадамы туралы білді және «Мен де» атты «хормен жауап беру» (кричалка) ойынына атсалысты:

- Мен егеменді Қазақстан Республикасында тұрамын!
- Мен де!
- Мен елімді мақтан тұтамын!
- Мен де!
- Мен еліме өркендеу мен амандық тілеймін!
- Мен де!
- Елімнің бақытты, әрі бай болуын тілеймін!
- Мен де!

Туған еліміз Қазақстанда үнемі бейбітшілік, қуанышты және жарқын өмір болуын барлық оқырмандарымызға тілейміз!



Құстар біздің досымыз

Жм, 19/01/2018 - 16:06 — julia

17 қаңтар күні сағат 15.00-де №24 мектеп-гимназияда «Игі істер айлығы» акциясы аясында «Құстар біздің досымыз» атты іс-шара өтті. Іс шараға атаулы мектептің 3-сынып оқушылары қатысып, құстардың түрлерімен, олардың мекендейтін жерлерімен, бір сөзбен айтқанда жалпы өмір сүру әдеттерімен танысты.

Оқушылар іс-шарада жұмбақтар шешіп, құстар туралы мағлұмат алып, өз белсенділіктерін танытты және оларға қамқорлық жасайтындықтарын білдірді. Оригами әдісімен құс жасады.

 

Фото

 



Орыс әдебиетінің нұры

Жм, 19/01/2018 - 15:59 — julia

«Байтақ, сұлу «Пушкин» әлемі, сәлеметсің бе!»

деп 1 мектеп-лицейдің 5 сынып оқушылары айтты. 2018 жылғы 18 қаңтарында Ы.Алтынсарин атындағы кітапханада «Орыс әдебиетінің нұры» атты портрет болып өтті. Осыдан көп жыл бұрын 1799 жылы 6 маусымда Мәскеу қаласында Пушкиндердің отбасында бұйра шашты, қараторы, өткір көзді ұл бала дүнеге келді.

Оның мейірімді күтушісі Арина Родионованың әрбір ертегісі Саша үшін нағыз қазына еді. Кейін Пушкин оның көптеген ертегілерін өз өлең жолымен жазылған ертегілерінің желісіне қосты. Оның қай кезден өлең жаза бастағанын ешкім білмейді. Дегенмен көбі оның алғашқы өлеңдері француз тілінде жазылды деп есептейді. Балалар Александр Сергеевичтің француз, ағылшын, неміс, италия, испан, латын, грек және славян тілдерін білгенін білді, ол кейбірін жетік білсе, енді бірін өмір бойы зерттеп үйренген.

Бесінші сынып оқушылары ақын өміріндегі онша таныс емес деректер туралы мұқият тыңдады және жатқа өлеңдер оқып, А.Пушкиннің туындылары бойынша «Балда қалай жұмыс істеді?»; «Шал мен кемпірдің үйі қалай аталды?»; «Дадон патша данышпанға Алтын әтеш үшін не беруді уәде етті?» деген байқау сұрақтарына жауап берді.

Кездесу соңында балалар ұлы ақынның өмірі туралы көп және жаңа ақпарат білгендерін және оның ертегілерін бұрынғыдан да қатты жақсы көре түскендерін айтып жеткізді.

Фото



Университет білімі

Ср, 17/01/2018 - 16:07 — julia

15 қаңтар күні ғылыми-көпшілік әдебиет бөлімінде «Университет білімі» жобасы - пәндік дәрісхана бастау алды. Дәрісхананың алғашқы циклінің тақырыбы — биологиялық ғылымдар.

Алғашқы кездесуге Облыстық тарихи-өлкетану музейі Табиғат бөлімінің қызметкері - Андрей Валентинович Андрющенко шақырылды. Ол өзінің сүйікті авторларының әдебиеттерін ұсынды: Д. Даррел «Гончие Бафута», «Сад богов», А. Э. Брэм «Жизнь животых», И. А. Шапиро «Загадки растения-сфинкса», М. Ф. Ивахненко «Живое прошлое земли», «Беззащитные властелины», А. Смородинцев «Беседы о вирусах». Бұл кітаптардың барлығы өсімдіктер мен жануарларға деген ғажайып сүйіспеншілікті, қоршаған әлемге деген адамшылық қатынасты меңгертеді. Тамаша табиғат зерттеушісі Джеральд Даррелл өркениеті әлі дамымаған әлем - Орталық Африкаға жасаған экспедициясы туралы жазады. Таулы Камерун жануарларының сирек кездесетін жануар түрлерімен, олардың қызықты дағдыларымен, Бафут әміршінің жарқын философиясымен және оның құзырындағы жайдары адамдарымен таныстырады. Ирина Александровна Шапиро - биолог, саңырауқұлақ пен балдырдың өзара бірегей селбесуін табыстыратын қыналардың, ағзалардың физиологиялары жөніндегі маман. Көптеген инфекцияларды таратқан вирустың пайда болу тарихы, вакцинаның жасалуы туралы, әлі зерттелмеген аурулардың қоздырғыштарын іздеу туралы профессор Александр Смородинцевтің кітабында мәлімделеді.

Андрей Валентинович ертеден белгілі болып көрінген нәрселерге жаңаша көзқараспен қарауға мүмкіндік берген ресурстарды таба алды. Кітаптарға шолу қызықты, әрі танымды болды, №2 мектеп-лицейдің 8-сынып оқушыларына шолу өте ұнады.

Дәріс «Рухани жаңғыру» бағдарламасы аясында ұйымдастырылды. Президент жыл сайынғы Жолдауында білім — болашақ ел жетістігінің іргелі факторы оны әрбір қазақстандық түсінуі тиіс дейді. Жастарымыз басымдық беретін межелердің қатарында білім әрдайым бірінші орында тұруы тиіс.

Фото



Дауыстап оқу

Сс, 09/01/2018 - 11:59 — julia

Қысқы демалыстың соңғы күндері Ы.Алтынсарин атындағы ОБЖК-ның мектеп жасына дейінгі балаларға және 1-6 сынып оқушыларына қызмет көрсету бөлімінде «Қыс Ананың ертегілері» атты дауыстап оқу өтті. Біз балалармен бірге С.Маршактың «Двенадцать месяцев» және Х.К.Андерсеннің «Снеговик» ертегілерін оқып, кейін талқыладық. Одан басқа біздің оқырмандарымыз жаңа жылдық ғажапқа сенеді ме, расымен де ғажайып болады ма деген сұрақтар жайлы сөйлестік. Қатысушылар бірігіп жаңа жылдық «Қысқы өрнек» көрмесінен алған кітаптардың үзінділері бойынша ертегі үзінділерінен өз ертегілерін құрады. Түсініксіздеу, дей тұра қызықты және көңілді ертегілік оқиға шықты, тіптен балалар сол оқиға бойынша сурет те салды.

Сонымен қатар біз өз оқырмандарымыз үшін «Ғажайып ертегілер карнавалы» атты қысқы мульт-фейерверк өткіздік. Қатысушыларға мерекелік көңіл-күй сыйлаған, жақсы жаңа жылдық мультфильмдер көрсетілді.

Фото



Сиқырлы қолдың өнері

Дс, 08/01/2018 - 17:36 — julia

6 қаңтар күні Ы.Алтынсарин атындағы ОБЖК-ның өнер бөлімінде «Қыздар әлемі» әдеби клубының қатысушылары үшін «Сиқырлы қолдың өнері» деген тақырыппен шеберлік сабағы өтті. Сабақта майда моншақ, иірімжіп және қағаз сияқты материалдар пайдаланылды. Кітапханашы иірімжіп пен майда моншақтан қалай білезік өруге болатынын тәртіптеп түсіндірді. Ал қағаздан жаңа жылдық аппликациялар мен қар бүршіктері жасалды. Шеберлік сабағы шағын дастархан жайылуымен аяқталды, дастархан басында қыздар оқыған кітаптарынан алған әсерлері жайлы достық жағдайда бөлісіп, жаңа жылдық ғажайыптар туралы әңгімелесті.

Фото



Шығармашылық алаңы

Дс, 08/01/2018 - 12:17 — julia

Кейде адам өмірінде шығармашылық танытып, бірдеңе жазып, өзіңді көрсеткің келетін уақыт болады! Айтпақшы, бұрын поэзия деген сөзбен көркем әдебиетті, ал прозамен қалған барлық сөздік шығармаларды атағанын, сіздер білесіздер ме?..

Қысықы демалыс кезеңінде Ы.Алтынсарин атындағы ОБЖК-да «Шығармашылық алаңы» әдеби студиясы аясында біз екі кездесу өткіздік: «Тарих құрастырушы» және «Поэзия — ерекше әлем». Мұнда, шығармашылық лабораториясында қатысушылар: әңгіменің композициясы дегеніміз не және оны қызықты етіп қалай жазуға болады; өлеңді қалай шығару керек; өлеңнің көлемі дегеніміз не және т.б. көпті білді. Алынған барлық теориялық материал сол арада бірден практикаға ұласты, сонымен қатар қатысушылар қуана-қуана әдеби ойындарға атсалысты.

Фото


Синдикатты контент

Тілдер

Жолдау 2018

Антитеррор

Антикоррупционный

Бір ел – бір кітап

Қазір сайтта

Қазіргі уақытта желіде 1 user қолданушы және 1 guest қонақ.

Жүйеге кіру