Ақпараттық-библиографиялық бөлімде «Библиографиялық сипаттаманың қалыптасу жүйесі» көрмесі ұйымдастырылды.

Кітап баспасы жолға қойылғалы бері қаншама кітап басып шығарылды. Кез келген кітапханадағы құжат сипаттаудан басталатын сараптамалық-синтетикалық өңдеуден өтеді. Заттың сипаттамасын жазу – оны ашатын бірнеше сынын тізбектеу. Библиографиялық сипаттама (БС) каталогтар, библиографиялық құралдар жасаудың негізі болады, сонымен қатар қажетті жағдайда құжаттардың мәнін ашуда қолданылады. Библиографиялық сипаттаманың міндеті-тұтынушыларды ақпараттық – іздеуде құжатты табуға мүмкіндік беретін фактілік деректер туралы ақпарат беру. Көрме үш тараудан тұрады. Біріншіде ұсынылған кітаптардан библиографиялық сипаттаманың осыдан 4000 жыл бұрын басталған тарихы туралы білуге болады. Екінші тарау құжаттың библиографиялық сипаттама ережесін нақтылайтын халықаралық мемлекеттік стандарттарға арналған. Ал үшінші тарау электронды қор сипаттамасының ерекшелігін ашады. Көрмені ақпараттық-библиографиялық бөлім қоры негізінде жасалған «Библиографиялық сипаттаманың қалыптасу жүйесі» нұсқаулық көрсеткіші толықтырды. Көрме студенттерге, кітапханашы мамандарға, библиографтар үшін қызықты болады.

«Алаш басшысы Әлихан Бөкейханов» көрме-таныстырылымы.

Қазақстан Тәуелсіздігінің 25 жылдығына орай ересектер абонементінде ғалым, қоғам қайраткері, ұлт-азаттық «Алаш» партия қозғалысының негізін қалаушы Әлихан Нұрмұхаммедұлы Бөкейхановтің туғанына 150 жыл толуына орай кітап көрмесі – таныстырылымы ұйымдастырылды. Өз халқының тәуелсіздігі үшін күрескен қайраткер.

ЮНЕСКО Бас конференциясының 38 сессиясында осы жыл Әлихан Нұрмұхаммедұлы Бөкейхановтың атымен аталып өтсін деген шешім қабылданды. Бұл айтулы мереке халықаралық деңгейде аталып өтеді.Көрме-таныстырылым көрме стеллажының 6 сөресін алып тұр.

Онда анықтамалық басылымдар, журнал-газет мақалалары – очерктері, деректі материалдар жинақтары, Амантай Ахметовтің «Властелин духа» кітабы, ғылыми-құжатты кітаптар қойылды. Бұдан оқырмандар «Алаш» партиясының тарихы және Алаш ұлы Ә.Бөкейхановтің жеке тұлғасы туралы деректер таба алады.

Көрме-таныстырылым мақсаты Қазақстан тарихына назар аударту. Ол «Алаш» қозғалысы мен оның қоғамдағы тарихи ролі туралы, XIX ғасыр соңы мен XX ғасыр басында өз халқының тәуелсіздігі жолында жан аямаған адамдар туралы айтады. Тарих көлеңкесінде біраз жылдар қалып қойған Әлихан Бөкейхановтің өмірбаяны мен өмір жолынан толық мағлұмат береді.